MEBYA-DER’î Mehmet Yildirim o ke dewa Nenîyasî ya qezaya Licê de sereştişê keyeyî de amebî qetilkerdene, ewro serê mezelê ey de bi merasimêke vîr ard.
Mehmet Yildirim 24ê gulane 2024 de wexto ke keyeyê xo dewa Nenîyasî yê Licê de mendêne sereştişê keyeyî de hetê leşkeran ra ame qetilkerdene. MEBYA-DER’î sergêra dîyina yê mergê Mehmet Yildirim deserê mezelê ey de vîr ard. Tewlî rayberanê MEBYA-DER’î temsîlkarê sazgehanê sivîl û xeylê welatijî tewrê merasimê vîrardene bîyî.
Girse dewe de kom bî û ver bi mezalanê dewe rayîrşîayîş viraşt. Merasimê vîrardene bi deqîqeyêk rêzgirewtene dest pêkerd. Kenaya Mehmet Yildirimî, Zehra Yildirim merasim de şîîrêke wende.
Vîrardene de pîyê Mehmet Yildirimî Yemlîxan Yildirim qisey kerd û bale ante serê bêbextî û zulmo ke ro lajê ey û keyeyê înan ameyo kerdene, reaksîyon mojna û waştişê edaletî kerd. Dayîka wayîrê dejî Ziynet Yildirim zî vat cîgera înan ameya veşnayene û waşt ke berpisîyarî bêrê vînayene û bêrê muhakeme kerdene.
Badê merasimê goristanî, girse derbasê keyeyê şînê dewe bîyî. Vîrardene badê wendişê mewlidî qedîya.
