Hunermend Mîkaîl Aslan do 1ê hezîrane roja dişeme Meydanê Şêx Seîdî de konser bido
Hunermend Mîkaîl Aslan badê Roşanê Qurbanî do Meydanê Şêx Seîdî de konserê şarî virazo. Konser bi paştîdayene Şaredarîya Sûrî û Organîzasyonê Sanatça do bêro viraştene. Konser do 1ê hezîrane saete 20:00 de bê pere bêro dayene.
Hunermend Mîkaîl Aslan serê hesabê xo yê medya dîjîtal derheqê konserî de hinî agahî pare kerdî û vat: “Konserê ma yê 15ê gulane semedê hinî sebebanê teknîkî mecbûrî ra amebî taloqkerdene. Seba ma na kêmanî tay bo zî rast bikerê, ma do bi paştîdayena Şaredarîya Sûrî û Organîzasyonê Sanatça konserê xo bi hawayêko akerde û bê pere virazê. Bi ameyîşê şarê xo ma do zerrîweş bibê.”
