Seraye Salam ke girêdayeyê Serekê Têgêrayîşê Şîî yê Îraqî Muqteda El Sadrî yo, çekê xo bi merasimêk teslîmî Bexdadî kerdî.
Ewro bi hedrebîyayîşê Fermandarê Operesyonanê Hembeş ê Îraqî merasimê teslîmkerdişê fermî yê çekanê Seraye Salamî Samera de ame organîzkerdene. No hêzo ke girêdayeyê Serekê Têgêrayîşê Şîî yê Îraqî Muqteda El Sadrî yo, do binê fermandarîya leşkerî ya fermandarîya pêroyî ya hêzanê çekdarî de bibo.
Berpirsê leşkerî hukmatê Îraqê û grûba çekdar a Seraye Salam, derheqê teslîmkerdişê çekanê grûba çekdaran de agahîyê neweyê vila kerdê.
Fermandarê Seraya Salam Tehsîn Hemîdawî, demê merasimê teslîmkerdişê çekan de qerargehê fermandarîya operasyonan ê Samerayî eşkera kerd ke ewro çekanê xo bi hawayêko fermî teslîmê hukmatî kenê û no hêz do binê fermandarîya leşkerî ya fermandarê pêroyî yê hêzanê çekdarî de bo.
