Koçberê Serêkanîye paweyê agêrayîşê keye û waranê xo yê. Vizêrî Fermandarê Hêzê Ewleyîya Zereyî Merwan Elî û cagirê ey Sîyamend Efrîn (Mehmûd Xelîl) zîyaretê şaristanê Serêkanîye kerd. Goreyê Komîteya Serêkanîye, 14 hezar keyeyî seba agêrayîşê, xo arê dayê. Sewbîna komîte dîyar kerd ke, badê grûba peyîn ya koçberanê Efrînî, do hedreyîya agêrayîşê Koçberanê Serêkanîye bêro kerdiş.
Badê agêrayîşê koçberanê Efrînî, şarê Serêkanîye ê ke koçberê Hesekê bîyî paweyê agêrayîşî yê. Verê 2 rojan zî Komîteya Koçberanê Serêkanîye, bexçeyê wendişê yê Hesekê bi şarê Serêkanîye rê kom bîyê.
Kombîyayîşî de rewşa peyîn ya Serêkanîyê ser o û rewşa ewleyîye ya şaristanî seba agêrayîşê ca û waran xo ser o nîqaş kerdê. Kombîyayîşî de, ame dîyarkerdene ke înan hûmara koçberanê Serêkanîye teslîmê wezîfedaran kerdê. Sewbîna badê agêrayîşê grûba peyîne ya koçberanê Efrînî, do dest bi hedreyîya agêrayîşê koçberanê Serêkanîye zî bêro kerdene.
Sîyamend Efrînî zîyaretê Serêkanîye kerd
Eynî çarçewa de, vizêrî Fermandarê Hêzê Ewleyîya Zereyî Merwan Elî û cagirê ey Sîyamend Efrîn (Mehmûd Xelîl) zîyaretê şaristanê Serêkanîye kerd û rayberîya ewleyîya herême reyde kombîyayîşêk viraşt. Kombîyayîşî de, mekanîzmayanê seba lezkerdişê karê pakkerdena mayînan û vermendeyê şerî bi amancê ewleyîya dorûverê cayanê ke şar tede cuyeno û zîret û viraştişê îmkanan seba agêrayîşêko ewleyîya koçberan qisey kerdê.
Komîteya Koçberan:14 hezar keyeyî nameyê xo qeyd kerdo
Komîteya Koçberanê Serêkanîye eşkare kerd ke înan seba agêrayîşê ca û waranê xo ser o nameyê 14 hezar keyayî qeyd kerdo. Sewbîna ame dîyar kerdene ke, Ewleyîya Pêroyî (EMIN EL-AM) nameyê kasanê ke Serêkanîye de yê qeyd kerdê, seba ke agêrê mal û milkê xo ser. Serra 2019î de vera herîşanê çetîn yê dewleta Tirkîye, bi hezaran keyeyê mecburê koçberî bîyî. 2019î ra nat cayê şarê Serêkanîye yê cayî, şarê erebî bi ca bîyî û xeylî keyeyî hewl danê ke agêrê keyeyê xo, la waştişê pere înan amebi kerdene. Dosyaya agêrayîşê koçberan ra yew zî babeta ewilên ya peymana 29ê çileyî ya ke mabenê Hukmatê Demkî yê Sûrîye û QSD’yî de ya amenî kerdene. Heta nika 7 grûbê koçberanê Efrînî resayê ca û waranê xo. Paweyê ye ke demêko nêzdî da grûba peyîne ya Efrînijan agêrê, dima ra do seba agêrayîşê Serêkanîye gamî bêrê eştene.
