Wezîrê Karên Derve yê Emerîkayê Marco Rubio diyar kir ku di nav 48 saetên dawî de têkildarî krîza Îran û Kendava Hurmuzê, pêşketinên girîng hatine bidestxistin û ragihand ku di nava rojê de têkildarî Îranê dê daxuyaniyên erênî bên dayîn.
Wezîrê Karên Derve yê Dewletên Yekbûyî yên Emerîkayê (DYE) Marco Rubio têkildarî rageşiya bi Îranê re û krîza li Kendava Hurmuzê, daxuyaniyeke balkêş da.
Rubio li paytexta Hindistanê, Delhiya Nû bi rojnamevanan re axivî û da zanîn ku di 48 saetên dawî de têkildarî çarçoveyeke ku rewşa li Kendava Hurmuzê çareser bibe, pêşketin hatine bidestxistin.
Wezîrê Emerîkayê diyar kir ku di nava rojê de têkildarî mijara Îranê dibe pêşketinên nû bên ragihandin û wiha got: “Ez difikirim ku dibe di saetên pêş de agahiyên baş werin.”
Her wiha têkildarî mijara çeka nuklerî jî Rubio destnîşan kir ku Îran tu carê nabe xwedî çeka nukleerî.
Her wiha Serokê Emerîkayê Donald Trump jî li ser hesaba xwe ya medya dîjîtal daxuyanî da û diyar kir ku peymana navbera Emerîka û Îranê ku di asteke mezin de muzakere hatiye kirin, gihiştiye qonaxa dawî û got ku peyman girêdayî erêkirina Îranê û hin welatên li herêmê ye.
Tê diyarkirin ku hevdîtinên dîplomatîk, bi taybetî ji bo ku car din Kendava Hurmuzê ji çûyîn û hatinê re were vekirin, zêde bûne.
