Ji bo endamên YJA-Star Ferîde Çesen û Gulcan Gozeten li Bazîdê sersaxî hate danîn. Girse bi dirşmeyên “Bijî Serok Apo” çûn cihê sarxiyê.
Li gundê Îneg ê navçeya Bazîd a Agirî, ji bo endamên YJA-Star Ferîde Çesen (Zenda Avesta) û Gulcan Gozeten (Lorîn Gelawêj) ên ku sala 2018an li Herêma Kurdistan a Federe jiyana xwe ji dest dabûn, sersaxî hate danîn. Bi pêşengiya Komeleya Alîkarî Piştevanî Yekitî û Çandê ya bi Malbatên Xizmên Xwe li Dergûşa Şaristaniyê Winda Kirin re (MEBYA-DER), bi awayeke girseyî şîn hate ziyaretkirin. Gelek siyasetmedar û kesên ji saziyen civakî şîn ziyaretkirin. Girseya ku li gund civiyan, dirûşma “Bijî Serok Apo” berzkirin û heta cihê sersaxiyê meşiyan.
Li ser navê MEBYA-DERê Bûrhan Kartal, ev tişt got: “Ger têkoşîna şehîdên me, a hevalên me yên di zindanan û nexasim a Rêber Apo (Abdullah Ocalan) nebûya, îro kesê hebûna Kurdan jî dê nîqaş nekirana. Di vê qonaxê de hebûna Kurdan hate qebûlkirin. Çûn cem Rêberê Gelê Kurd û pêvajoyeke nû dest pê kir. Ev pir girîng e divê em xwedî lê derkevin.”
