Cenazaya sîyasetmedar Salih Muslimî bi merasimêk ver bi Rojavayê Kurdîstanî ameye erşawitene.
Sîyasetmedaro kurd, têkoşer, pêşênganê dîyar ê Rojavayê Kurdîstanî ra, Endamê Komîteya Hemserekî ya Partîya Yewîya Demokratîk (PYD), eynî wextî de hemserekê verên ê PYD’yî Salih Muslim vizêrî bi şewe şaristanê Hewlêrî de semedê nêweşîya gurçike ra cuya xo ra bi.
Goreyê xebera RojNewsî no sodir bi hedrebîyayîşê humarêka sîyasetmedar û welatijan Tiba Edlî yê Hewlêrî ra cenazaya Salih Muslim ameye girewtene û bi merasimêk ver bi Rojavayê Kurdistanî ameye erşawitene. Welatijan fotografê Salih Muslim berz kerdî û cenazaya ey bi dejêko girs oxir kerd.
Do Kobanî de bêro definkerdene
Ame zanayene ke cenazaya Salih Muslimî do Berê Sêmalka ra bierşawê Rojavayê Kurdistanî. Cenaza do Qamişlo de bêra pêşwazîkerdene û dima ra bierşawê Kobanî û do cenazaya Salih Musimî şaristano xoverdayox Kobanî de bêro definkerdene.
