Erxenî de seba pawitiş û averberdişê ziwan û edebîyatê Kurdkî çalakîyêka muhîme yena viraştene. Hetê Komela Edebîyatkaranê Kurdkî ra bi nameyê “Panelê Ziwan û Edebîyatê Kurdkî” programêk yeno amadekerdene.
Nê panelî de hîrê babetanê bingehînan ser o yeno qiseykerdiş: Hîmê ziwanî yê şarî, edebîyato modern û perwerdekarîya bi ziwanê dayîke.
Program û qiseykerdoxî
Moderatorîya nê panelî Mulkîye Ongul kena û çar mêmanî muhîmî do nê babetan ser o şîroveyan bikerê:
Semra Bîrtane, do derheqê “Zon û Vajorê Şarî” de qisey bikera û hîmê ziwanî yê klasîkî bîyara vîr.
Abdullah Esen, do derheqê “Zon û Vajoro Modern” û averşîyayîşê edebîyatê neweyî de agahîyan bido.
Şehmus Aslan, do bi taybetî “Erxenî de Rewşa Ziwan” ser o vindero û xerîteya herêmî bimojna.
Abdurrahman Bakir, do muhîmîya “Ziwanê Dayîke û Perwerdeyî” ser o vindero.
Ca û wext
Çalakî do roja şeme, 11ê Nîsane 2026î de, saete 14:00î de dest pêbikero. Ca zî Salona Konferansî ya Şaredarîya Erxenî (Hetê Petrolê Taştekînî) de ya.
No panel seba heme merdimanê ke zerrîwazê ziwan û kulturê xo yê, fersendêko zaf baş o ke hem hîmê edebîyatî bimusê hem zî serê sibate û asoyê ziwanî munaqeşe bikerê. Komela Edebîyatkaranê Kurdkî veng dana heme Erxenîyijan ke wa beşdarê nê panalî bibê.
