Merkezê Heqê Merdiman ê Îranî derheqê şert û mercanê giran ê hepîsxaneyê rejîmê Îranî ser o raporêk weşana û dîyar kerd ke grûbêk girewteyê ê Hepîsxaneyê Tehranî, sektorê zîret û endustrî de bi zorî yenê xebitnayene.
Merkezê Rêxistinê Heqê Merdiman ê Îranî derheqê rewşa çetîn ê girewteyê rejîmê Îranî ser o raporêk vila kerd.
Raporî de ame eşkerakerdene ke grûbêk girewteyê hepîsxaneyê Tehranî de hetî îqtîdarî Îranî ra sektorê zîret û endustrî de bi zorî yenê xebitnayene.
Ame dîyarkerdiş Tesîsê Zîret û Endustrî yê FEDEK’î yê şaristanê Tehranî, zêdeyî 1500 hektar hêgayî, erdê zeytînan, miqtekerdişê heywanan, miqatekerdişê deveyan û tesîsanê endustrî xo dest de gêno.
Goreyê raporêko ameyo eşkerakerdene no ca temamî bi hêzê xebatkarê girewteyê ke ameyê cezakerdene yeno rayîrraberdiş, sewbîna girewteyî heqê xo yê sîgortayî, ewleyîya karî û heqdestê seyyewbînî ra mehrum manenê. No tena wey hêzê karker ê erjan seba bazirganîya yewhetin yeno xebitnayene.
Rêxistinî dîyar kerd ke xebitnayîşê girewteyan karê zordayîşî de bîyo sebebê wedaritişê mesrefê sîgortayan, kêmkerdişê wezîfedaran û zêdebîyayîşê qezancê sazgeh e.
Rêxistinê heqê merdiman îqaz keno ke xebitnayîşê girewteyan şert û mercanê neheq ê karkerdişî de, vera peymana Rêxistinê Mîyandewletî ya Kar (ILO) û prensîbê Nelson Mandela yo.
