Dêrsim de, Platformê Dêrsimî, Deyda-Der, û Setkav, qiymetê ziwanê maye ser o panel viraşt. Qiseykerdox Hesen Kuçuk, şare Dêrsim ra qiymetê ziwan û wayîrvejîyayîşê ziwanê ser o qisey kerd.
‘Tarîx zonî rind bizanime’
Hesen Kuçukî, şare Dêrsim ra, tarîxê ziwanê ser qisey kerd û hînî va: “Tarîxê zon xeylê raver sono. Merdim ke weşîya xo ramit, xo naskerd, kar kerd, giran giran helmeê xo de çekû ame ware. Zon jûmîn naskerdene de, îdareyê xo kerdene de bî mûhîm. Tepa, zereyê zon ra zon vejîya. Dime ra, zon ra zon bî jede.”
‘Zonê maya xo rê wayîr vejîye’
Hesen Kuçukî, şare Dêrsim ra, wayîrvejîyayîşê ziawanî ser o wina vat: “Qiymetê zone xo bizanê, zagone xo re wayîr vecîye. Herdê dewrêş rê wayîrvejîyayîş, zone re wayîr vecîyene ra vêrena. Zone maye û pîye kalike xo, xo vîr ra mekerê.”
