Mudurîyetê Polîtîkayanê Cinîyan yê Şaredarîya Rezanî ya Amedî, çarçewaya kampanyaya “Vatişê ma nêqedîya, ma do şîdetî vindarnê” xurtkerdişê û paştîdayîşê cinîyan û şîdetê vera cinîyan ser o atolyeyêk viraşt.
Mudurîyetê Polîtîkayanê Cinîyan yê Şaredarîya Rezanî ya Amedî, mezraya Alçîmenî ya girêdayeyê dewa Alatosunî de cinîyan reyde ameye têhet û seba xurtkerdiş û paştîdayîşê cinîyan atolyeyêk viraşt.
Hemşaredara Şaredarîya Rêzanî Leyla Ayaz, endamê meclîsî û xeylî cinî beşdarê atoleye bîyî. Atolyeya “azadkerdişê cinsîyetê komelkî” ser o hetê psîklogê şaredarîye ra pêşkeşî ameyê kerdiş. Pêşkeşî de rolê cinsîyetperestî, neheqî û şîdetî ser o nîqaşî ameyê kerdiş.
Sewbîna atolyeyêk zî derheqê şîdetê dîtîtalî ser o ameviraştene. Beşdaran derheqê şîdetê dîjîtalî de bî wayîrê agahîyan û derheqê na hadîse de fikr û tecrubeyê xo pare kerdê.
Hmeşaredare Leyla Ayaz zî qisey kerd û qiseyê xo de bale ante muhîmîya paştîdayîş û têkoşîno hempar, awankerdişê cuyêka bêşîdet, weşîye û azadîye ser. Cinî ke beşdarê atoyleye bîyî înan zî fikr û hîsê û tecrubeyê xo îfade kerd.
Çarçewaya xebatanê şaredarî de seba gedayan zî atolye ameye viraştene, gedeyan rojêka weşe derbas kerd.
