Raporê îstîxbaratê yê DYA’yî eşkera kerd ke Îsraîlî seba teqîbkerdena pêvînayîşanê DYA û Îranî vera rayedarê payeberz ê Amerîka xebatê casusîye caardo. Rayedarê Amerîka na çalakîye sey ‘binpaykerdişê sînorê dîplomasîye’ erjna.
Mabenê Dewletanê Yewbîyayeyan ê Amerîka (DYA) û Îsraîlî de krîzêko newe yê îstîxbaratî vejîya. Goreyê raporanê îstîxbaratê ê ke çapemenîya Amerîkaye de ca girewtê, Îsraîlî seba destkerdişê agahîyanê dîplomatîk, vera rayedarê payeberzê ê DYA’yî xebatê casusîye caardê.
Temsîlkarê Trumpî ameyê teqîpkerdene
Raporî de ame eşkera kerdene ke Îsraîlî vera Temsîlkaro Taybet ê Serekê DYA’yî Donald Trumpî, Steve Wîtkoffî, xebatê casusîye caardo. Amancê îstîxbaratê Îsraîlî, tena ekîbê Trumpî rê sînordar nêmendê, eynî demî de rayedarê payeberzê ê sîyasî yê Wezaretê Pawitenê yê DYA’yî Elbridge A. Colby û hetkarê ey Michael P. DiMino zî ameyê teqîbkerdene.
Seba pêvînayîşanê Îranî ‘sînor binpay kerdê’
Sebebê na xebatê casusî ye ke Îsraîlî dest kerdê, agahîyê derheqê pêvînayîş û muzakereyanê DYA û Îranî de yê. Ame îfadekerdene ke Îsraîlî seba teqîbkerdena nê pêvînayîşan xebatê xo yê zereyî yê DYA’yî hîra kerdê. Rayedarê amerîka zî nê çî sey ‘binpaykerdişê sînoran’ erjna û vat ke na rewşe nakokîyanê mabenê her di mutefîkan eşkera kenê.
