Berdevkê HSDê Ferhad Şamî li ser nûçeyên ‘li Helebê agirbest’ hatiye îlankirin daxuyanî da û got êrîşên komên çete berdewam dikin û nûçeyên agirbestê derewand.
Berdevkê Fermandariya Giştî ya HSDê Ferhad Şamî derbarê nûçeyên derewîn ku dibêjin li Helebê agirbest hatiye îlankirin li ser hesaba Xê daxuyaniyek parve kir.
Daxuyaniya Ferhad Şamî wiha ye: “Hêzên me piştrast dikin ku li Helebê agirbest nehatiye îlankirin û nêçeyên bi vî awayî tên parvekirin derewan dikin. Her wiha komên çete dixwazin bi nûçeyên derewîn sûcê ku kirine veşêrin û rewşê manîpule bikin.
Berovajî nûçeyên agirbestê komên girêdayî Şamê êrîşên girantir dikin û li gor rewşa xuya dike dê êrîşan berfirehtir bikin. Heya niha hemû êrîşên li ser Şêxmeqsûd û Eşrefiyê ji aliyê gelê her du taxan ve bi awayekî serkeftî hatine têkbirin.
Hêza ku êrîşan dike li hember encamên giran ên van êrîşan bê cena namînin û ev hêzên êrîşkar berpirsyarê hemû encamên êrîşan e.”
