Hemserekê DEM Partîye Tuncer Bakirhan, qiseyê Hakan Fîdanî ke Rojawanî hedef gênê rê bertek nîşan da û wina va: “Demo ke çimanê xo gêno, fikrîyeno ke her ca şewe bena û seke kurdî çin ê. Pêameyîşê Şam û kurdan rê astengî vejenê, ma bawer kenê ke lezûbez heqîqetî bivînê û nêzdîbîyayîşê xo ra fek veradê.”
Hemserekê DEM Partîye Tuncer Bakirhanî ropotajêk da Ceren Bayara T24î û roportajê xo de bal ant ser avzelîya Komîsyonê Demokrasî, Wayûbirayî û Paştdayîşê Neteweyî rê.
Hemserekê DEM Partîye Tuncer Bakirhan wina qisey kerd: “Çiqas proses aver şîro, wina enfektebîyayena prosesî est a, coka her kes qiseyê xo rê baldar bibo. Çimkî ziwanê çapemenî û sîyasetî bi raştî tesîrê komelî keno. Çi heyf ke hema zî çapemenî ziwanê rovanşîst, negatîf bikar aneno.”
‘Fîdan her ca şewe vîneno’
Tuncer Bakirhan bertekê qiseyê Hakan Fîdanî yê vera YPJ vat bî ‘Sûrîye de YPJ fitne vejeno’ da û wina domna: “Demo ke çimanê xo gêno, fikrîyeno ke her ca şewe bena û seke kurdî çin ê. Pêameyîşê Şam û kurdan rê astengî vejenê, ma bawer kenê ke lezûbez heqîqetî bivînê û nêzdîbîyayîşê xo ra fek veradê. Zanitena ke ez zanena Hakan Fîdan, kabîneya Sûrîye de ca nêgeno la heme mesayîyê ci qezenc nêkerdena kurdan ser o ya, heme dinya zî na rewşe vînena, rewşêka xemgînî ya.”
