Rojnameya Xwebûnê ke bi serê dijîtalî de her roj û çapkerde zî hewtane weşanê xo kena bi humara xo ya 296. na bi manşetê ‘Ganî na dişmentîye ravazîyo,’ rest verê destanê wendekaran.
Rojnameya Xwebûnê ke bi serê dijîtalî de her roj û çapkerde zî hewtane weşanê xo kena bi humara xo ya 296. na bi manşetê ‘Ganî na dişmentîye ravazîyo,’ (Divê ev dijminantî raweste) rest verê destanê wendekaran.
Rojnameye na humara xo de ca da roportajê Rohat Bulutî yo ke Endamê Konseya Hemserekîya PYDî Salîh Muslim de kerd.
Salih Muslimî serê rewşa ke Sûrîye de qewimîna qisey kerd û vatenê kurî û muhimî vatî. Salih Muslimî va ke amanc û têkoşîna inan awa ke Sûrîyêka navendî û demokratîke awan bikerê.
Salih Muslim, bi serê “Konferansê Yewrêzî û Yewnêzdîbîyayîşê Kurdî yê Kurdistanê Rojawanî” wina vano: “Seba ke mordem bieşkeyo çîyê bikero bingehê xo muhîm o, no konferans bingehê awankerdene yo. Komelê Sûrîye pêrûne nê konferansî de ca girewt. Ganî mordem çîyê ke benê, çîyanê neweyan ra nêterso.
Muslimî serê xêrnexwazîya Tirkiye ya ke vera Rojavanî ya zî wina va: “Dewleta tirkeya ke vera Rojavanî nîya hişk nêzdî bena rind nêkena, mecbura gaman peyde bierza. Ganî dewleta tirke na dişmentîya xo mîyan ra ravazno, nîya nêbeno.”
Rojnameye sur manşetê xo de zî ca do fermandarê girdî yê pêşengê şoreşê Rojava Nûreddîn Sofî yo ke HPGî bi 11ê Tebaxê de aşkera kerdbî ke 6ê nîsana 2021yî de pê hêrîşê hewayî yê dewleta tirke weşîya xo dest dabî.
Humara nê hewteyî de nuştox Feratê Dengizî, Arslan Ozdemîr, Felemez Ulug, Medenî Ferho, Kurdistan Lezgiyeva, Hisên Çatikkaş, Prof. Dr. Abulîllah Polat, Mihemed Kurdî, Dildarê Amedê, Mehmet Akdogan, Rohat Bulut û Serdar Altan, bi nuşteyanê xo rojnameye de ca gênê.
