Rojnameger û Edîtorê Beşa Erebî yê ajansê Rojnewsî Silêman Ehmed 48 rojê ke hetê PDK’î ameyo remnayiş. Rojnameger Silêman peynî 279 rojan ame dariznayiş û PDK’î 3 serrê cezaya hepsî ci ra birna
Edîtorê Beşa Erebî yê Ajansê Rojnewsî Silêman Ehmed roja 1ê Citmenga 2023î de seba zîyaretî şîbî hetê malbatê xo yê Taxa Şêx Meqsûd ê Helebî. Silêman Ehmed roja 25ê Citmenga 2025î demo ke waşt Berê Ver Xabûrî (Sêmalka) ra derbasî Başûr bibo, hetê hezê PDK’î ra ame remnayiş û peynî hewt aşman avûkatan nêeşkenê pêvînayiş ci reyde bikerê.
Hewteyêk peynî vîndîbîyayişê Silêman Ehmed, asayîşê PDK’î yê Dihokî de beyanatêk bi têmîyan da û nêraşt vat ke qaşo remnayişê rojnameger Silêman Ehmed ‘nê seba karê ci yê rojnamegerî’ û bi eşkera gefê cezakerdişî rojnameger Silêman kerdê û îtîraf kerdê ke ey remnayê. Silêman Ehmed nêzî 5 serrê ke beşa Erebîya Ajansê Rojnewsî de sey edîtor xebityeno.
