Wezaretê Pawitene yê Kuweytî eşkera kerd ke çend teyareyê şerî yê Amerîkayî kewtê war û heme pîlotî teyaran bisaxî ameyê xelasîyene.
Goreyê eşkerayîya Verfekê Wezaretê Pawitene yê Kuweytî eşkerayîyêk da û vat Îranî serê erdê înan de çend teyareyê Amerîkayî yê şerî vistê û pîlotê teyaran xo kewtişê teyaran ra xelasnayê. Ame vatene ke xebata xelasnayîşê pîlotan bilez dewam keno.
Wezaretê Pawitene yê Kuweytî dîyar kerd ke pîlotî seba kontrolê weşîye cayê serebûte ra berdê nêweşxane. Ame dîyar kerdene ke nika nêweşxane de yenê dermankerdene.
Wezaretî dîyar kerd ke bi girewtişê tedbîranê teknîkî yê hempare de hêzanê dostî yê Amerîkayî reyde rasterast diyalog virazenê. Wezaretê Kuweytî da zanayene ke cigêrayîşê hetanê eleqedarî seba dîyar kerdişê sebebê rastîye yê kewtişê teyaran dewam keno.
CENTCOM’î eşkera kerd ke asmenê Kuweytî de 3 teyareyê şerî yê Amerîkayî yê modelê F-15î bi “hêrişê dostane” ameyê vistene.
