Kampê Koçberan ê Şehîd Rustem Cudî (Mexmûr) de weçînayîşê hemşaredaran yeno kerdene.
Ewro şarê Kampê Koçberan ê Şehîd Rustem Cudî (Mexmûr) seba hemşaredaranê demê neweyî yê kampî dîyar bikerê, şîyê sindoqan ser. Raydayîş saete 08:00î de dest pêkerd. Şarê kampî seba raya xo bişuxulnê, verê xo da heşt merkezanê ke sindoqî tede ameyê ronayene.
Derheqê xebata weçînayîşî de Endamê Komîsyonî yê Weçînayîşî Neşet Kara ajansê RojNewsî rê qisey kerd. Neşet Karayî da zanayene ke weçînayîş saete 08:00î de dest pêkerdo do heta saete 17:00î dewam bikero û vengdayîşê tewrbîyayîşê weçînayîşî kerd. Neşet Karayî dîyar kerd ke badê saete 17:00î weçînayîş qedêyeno û vat netîceyê weçînayîşî badê qedênayîşê hûmaritişê rayan do raya pêroyî reyde bêro parekerdene.
