Rojnameger Reyhan Hacioglu, Necla Demîr, Rahîme Karvar û Ahmet Guneş, Vedat Oruç keyeyanê xo de Welat Ekîn zî seba girewtişê îfadeyî ameyê destbendkerdene.
Polîsan no serê sibayî keyeyê rojnameger û Edîtora Yenî Yaşam Reyhan Hacioglu, Rojnameger Necla Demir û Ahmet Guneş ser de girot. Gêrayîşê keyeyan ra dima Reyhan Hacioglu, Necla Demîr, Rahîme Karvar û Ahmet Guneş, Vedat Oruç keyeyanê xo de Welat Ekîn zî seba girewtişê îfadeyî ameyê destbendkerdene. Sebebê destbendkerdişê Rojnamegeren nêame zanitene. Ame zanitene ke merkezê destbendkerdişî Îstanbul o.
Polîsan rojnamegerî tehdît kerdî
Ame zanitene ke rojnamegere Reyhan Haciogluye wexto ke Wan de ama destbendkerdiş rastê tehtîdê polîsan ameya. Polîsan vato “Vengê xo mevejê eke şima vengê xo bivejê ma şima pêrûne kom kenê benê.”
Rojnamegere Reyhan Haciogluye vera polîsan reaksîyon nîşan da û vat: “Zere de an zî teber de, kotî beno bibo ma gerê heqîqete binusê. Bi destbendkerdiş, girotîş û teda şima nêeşkenê ma pey de berê. Çapemenîya Azade nêna bêvengkerdiş.”
Ame zanitene ke polîsan dest da serê hacet û kelmelanê dijîtalan ê keyeyî.
