Qerargehê hêzanê leşkerî yê PAK’î sînorê Dêgele yê girêdayeyê qerargehê Hewlêrî ame bombabarankerdene. Hêrişî de pêşmergeyêk cuya xo ra bi û 3 kesî zî birîndar bîyê.
Şerê Îran û Îsraîlî roja 5. de dewam keno. Îranî reyna hêrişê qerargehê Partîya Azadîya Kurdîstanî (PAK) yê sînorê şaristanokê Dêgele yê girêdayeyê Hewlêrî kerd. Rayberê şaristanokê Dêgele Soran Ekrem ajansê RojNewsî rê dîyar kerd ke bi dronan hêrişê qerargehê PAK’î yê Dêgele ameyo kerdene. Soran Ekrem da zanayene ke encamê hêrişê bi dronanê xokiştox de pêşmergeyêk bi nameyê Celal Reşîde cuya xo ra bîyo û 3 pêşmergeyî zî birîndar bîyê. Encamê hêrişî de zerarê madî vejîyayo orte.
