Federasyonê Elewîyanê Ereban yê Ewropa, serrgêra 7ê Adare 2025î ya ke hêrişê qirkerdişan vera Elewîyanê Sûrîye amebî kerdene ser yew eşkerayîye dê. Eşkerayîye de nê qewimîyayîşî sey “Cumayo Sîya” ameyî namekerdene û ame vatene ke wina derbazê tarixe bîya.
Eşkerayîya Federasyonê Elewiyanê Ereban yê Ewropa (AAAF) de ame vatene ke 7ê Adare, Elewîyê ke Sûrîye de ciwîyenê tarixa înande sey “Rojêka sîyaye” ca girewt o. Vera nê qirkerdişan vengdayişê komela mîyanneteweyîye ê bêveng nêvindertene ame kerdene.
Eşkerayîye de a roje hoperloranê camîyan de seba qirkerdişê Elewîyan “vengdayîşê cihadî” ame kerdene û gurubanê radîkal û fanatîkan vera dewanê Elewîyan hêrişê qirkerdişî kerd.
“Gurubî bi çekanê xo kewtî mîyanê dewanê Elewîyan, dewî veşnayî, domanî, cinî, kalî û xortî kam rast ame kiştî. Bi rojan nê hêrişan dewam kerd. Pêy xo de birînê kurî û welatê de wêran virda.”
Federasyonî kesê ke cuya xo da bi rêzdarîye ardî xo vîrî û va: “Nê çîyê ke qewimîyê ma nînan xo vîrîra nêkenîme û nêdanîme vîrîrakerdene.”
Eşkerayîye de serrêk nêm o Elewîyê ke keraxa Sûrîye de ciwîyenê mîyanê yew tirajedîyêko giran de rê. Agahîyê ke yenê bi des hezaran Elewîyan mîyanê nê wextî de weşîya xo dest da. Zaf kesan zî bar kerdo welatê xo terk kerdo û bîyê koçber. Kesê ke peyde mendê ey zî binê tadayî de rê. Hetê ekonomî û weşîya xo ramitene de zî binê talukeyî de rê.
Eşkerayîye de ame vatene ke: “Komelê Elewîyan tarixe de zaf rayan vera qirkerişan ameyê. Qirkerdişê Dêrsim, Mereş, Çorum, Sîvas û Gazî hîna hişandeyo.”
