Wezaretê Pawitene yê Neteweyî yê Tirkîya eşkera kerd ke do Meletî de sîstemê pawitena hewayî yê Patrîotî bêro ronayene.
Wezaretê Pawitene yê Neteweyî yê Tirkîya derheqê tedbîranê ewleyî de serê keyepelê xo de eşkerayî da. Wezaretî eşkera kerd ke înan NATO’yî reyde çarçewayê hemkarî de seba pawitena Tirkîya û mutefîkanê herême sîstemê pawitena hewayî yê Patrîotî do bêro ronayene.
Şerê Îsraîlî û Amerîka vera Îranî dayo dest pêkerdene dewam keno. Îranî heta nika di reyan verê fuzeyanê xo da Tirkîya. Amancê nê fuzeyan no bî ke kampê/usê Amerîkayî yê Tirkîya de yê bido. Yewin fuzeya Îranî Hatay de yê dîyina zî Entap de kewtê. Her di serebûtan de zî tu zerar nê qewimîya yo. NATO sebebê nê her di hêrişê vera mutefîkê xo Tirkîya ameyê kerdene, tedbîrê ewleyî seba Tirkîya zêde kerdê. Coka NATO qerar da ke sîstemê pawitena hewayî yê Parîotî Meletî de do bêro ronayene.
