Wezîrê Karanê Teberî yê Tirkîya Hakan Fîdan bi telefon hemmeslekê xo yê Îranî Abbas Arakçî reyde qisey kerd û dîyar kerd ke bi munasebetê fuzeyanê balîstîkî binpaykerdişê warê hewayî yê Tirkîya nêyeno qebûlkerdene. Ame eşkerakerdene ke Arakçi vato ke derheqê babete de cipersayîş kenê.
Wezîrê Karanê Teberî yê Tirkîya Hakan Fîdan derheqê îhtîlafê demê peyênî û şerê herême de bi Wezîrê Karanê Teberî yê Îranî Abbas Arakçi reyde telefon de qisey kerd. Wezaret ra ame eşkerakerdene ke Fîdan hemmeslekê xo rê eşkera kerd ke bi rayîrê fuzeyanê balîstîkî binpaykerdişê bandure warê hewayî yê Tirkîya bi tu hewayî qebûl nêkenê. Sewbîna zî ame eşkera kerdene ke Fîdan veng da hetan kerdişê ke xo her gama ewleyîya sivîlan bikero binê tehlukeyî ra dûrî vinderê. Ame dîyar kerdenen ke Fîdan bi vatena, “Anqara do vera fuzeyanê ke eşkenê Tirkîya bikerê hedef tedbîranê muhîman bigîrê” hişyar kerdo. Goreyê agahîyan Arakçi zî dîyar kerd ke derbarê fuzeyê ke bîyê sebebê îhtîlafî cipersîyayîşêk hîra ramenê.
NATO’yî fuzeyî vistibî
Îranî verê dîyar kerdbî ke tu fuze nêeşta Tirkîya û Îdia kerdbî ke ey “operasyonêke” neyarê înan o. Vizêrî Wezaretê Pawitena Neteweyî yê Tirkîya eşkera kerd ke fuzeyêka balîstîk yê Îranî amebî eştene û kewtebî warê asmenê yê Tirkîya, hetê hêzanê pawitene yê NATO’yî ra Rojhelatê Deryaya Sipî ame pirodayene. Hewteyo derbas bî fuzeyê hetê Îranî ra amebî eştene, hetê hêzê paawitena hewayî û fuzeyê NATO’yî yê Rojhelatê Deryaya Sipî ra amebî pirodayene.
