Awazê Çiya bi munasebetê Newroza 2026î klîbê bi nameyê ‘Newroza azadî’ weşana.
Koma Awazê Çiya seba Newroza 2026î ke bi sloganê “Newroza Azadîye û Yewîya Demokratîk” yena pîrozkerdene, klîbê bi nameyê “Newroza Azadî” hedre kerd.
Awazê Çiya serrgêra 2638. ya Newroze de “Newroza Azadîye” ya Rayberê Şarê Kurdî Abdullah Ocalan û heme cangorîyanê têkoşînê azadîye pîroz kerd.
Awazê Çiya dîyar kerd demêko ke azadîya fizîkî yê Abdullah Ocalan û şarê kurdî zaf nêzdî ya, ê her wextî ra zafêr bi heyacanêko girs na Newroze pêşwazî kenê û vat: “Wextêko ke çar hetê Kurdîstan û teberî welatî de şarê ma mîyanê yewîye de yo, hetê zîhnîyetê neteweyî ra ma prosesêko tarîxî de yê. Sînorê îşxalkeran ê ke serê cografyaya Kurdîstanî de ameyê roneyene, bi têkoşînê seba azadîye û yewîye her roje parçe benê û bêmane manenê. Têkoşînê 53 serran ê Rayber Apoyî şarê ma resna na aste. Wext ameyo ke şarê kurdî mîyanê şarê dinya de bi hewayêko birûmet cayê xo bigîro. Kurd û Kurdîstan bîyê rastîyêkê ebedî. Bi çoşê girs ê Newroza 2026î ma xoverdayîşê şarê xo yê Kurdîstan û heme hetanê dinya selam kenê û Newroza înan zerrî ra pîroz kenê.
Seba keda şehîdan û şarê ma yê qehreman, seba ke biba dilopêka mîyanê okyanûsî sey Awazê Çiya ma bi hunerê xo wazenê na Newroze pêşwazî bikerê û aye rê pêşengîye bikerê. Naye ra ma berhemê xo yê newe ke bi nameyê ‘Newroza Azadî’ hedre kerdo, dîyarî şarê xo kenê. Ma reyna sey hunerê şorişê azadî, her kesê ke zerrîya înan seba azadî pirodana û kede danê roşanê înan pîroz kenê. Wa her roja şima sey Newroze ba.”
