Têgêrayîşê Cinîyanê Azadan (TJA) derheqê Dîlan Karaman a ke Dîyarbekir de bi hewayêko şikdar merde, eşkerayîyêka nuştekîye weşanaye.
TJA vat ke merdişê Karamane sey bîyayîşêko ferdî nêşêno bêro nirxnayene û parçeyê pêça şîdetî yo ke bi şîdetê camêrdan, rolê cinsîyetî yê komelkî, tedaya sîstematîke û îhmalîya sazgehîye apey dîyayo.
Têgêrayîşê Cinîyan ê Azadan (TJA) vat ke merdişê Karamane sey bîyayîşêko ferdî nêşêno bêro nirxnayene û parçeyê pêça şîdetî yo ke bi şîdetê camêrdan, rolê cinsîyetî yê komelkî, tedaya sîstematîke û îhmalîya sazgehîye apey dîyayo.
Eşkerayîye de ame vatene ke huqûqnasê TJA roja yewine ra ke Karaman amebî berdene nêweşxane, prosesî nêzdî ra taqîb kenê.
TJA vat ke seba ke faîlê şîdetî Mazlum Toprak cezaya tewr girane bigîro têkoşînê huqûqî do bêro dewamkerdene.
Eşkerayîye de ame vatene:
“Ma do taqîbkerdoxê naye bibê: Seba ke dadgehe Mazlum Toprakî ser o cipersayîşo tesîrdar bikero, destbend bibo û cezaya tewr girane bigîro; seba ke badê xokiştişî dewlete, wezaretê weşîye û personelê ci ke berpirsîyarîyê xo nêardê ca huqûqî de hesab bêro persayene; goreyê prensîbê ke tarîxê têkoşînê ma mîyan de ma tu wext tavîz nêda, berpirsîyarîya yewine mobbîngo ke Dîlane mûhatab bî, partîya sîyasîye û wekîla ke pîya kar kerdêne Saliha Aydenîz, ganî bêrê şawitene heyetê dîsîplînî yê partîye û caardişê hewceyî bêrê kerdene.
Ma bi taybetî dîyar kenê ke vera heme cehdan ke seba ke berpirsîyarê raştî ke Dîlane ver bi mergî berda, nêdîyar bikerê Dîlane gunehkar kenê û vîr û mîrasê têkoşînê Dîlane hedef gênê, ma do têkoşînê xo bikerê.”
