Hemsereka Pêroyî ya DEM Partî Tulay Hatîmogullari û heyeto ke pîya bîyî, parlamentera DEM Partî ya Îstanbulî Çîçek Otlu ke badê emelîyatî tedawîya ci miqateyê awarteyî de dewam kena nêweşxane de zîyaret kerd.
Hatîmogullari vat ke Otlu ke 11ê adare de emelîyat bîbî ewro reya dîyine emelîyat bîya û goreyê melumatê ke doktoran ra ameyê girewtene operasyon rind vîyarto. Hatîmogullari vat ke Otlu nika mitaqê awerteyî de ya û badê emelîyatî do bi kontrolê hêdî-hêdî bêro wirznayene.
Hatîmogullari keyeyê Otlu rê şîfa waşt û vat ke bi parlamenter û rêxistina partîye pîya prosesî nêzdî ra taqîb kenê.
