CENTCOM’î eşkera kerd ke hêrişê serê girawa Harge yê ke nuqtayêka stratejîk ê beradişê petrolê Îranî ya, zêdetirê 90 hedefê leşkerî ameyê çinkerdene.
Fermandarîya Merkezî yê DYA’yî (CENTCOM) eşkea kerd ke hêzê DYA’yî vera girawa Harge yê Îranî hêrişêk hewayî yê “Gird û hîra” viraşto. Eşkerayî de ame dîyarkerdene ke tesîsanê depoyê mayînanê deryayî, stargehê fuzeyan û xeylê tesîsê leşkerî ameyê çinkerdiş, binawanîya petrolî nêameya hedef girewtene.
Medyaya dewleta Îranî eşkera kerd ke berardişê petrolî yê girawe bi hewayêko adetî dewam keno. Hêzê çekdarî yê Îranî dîyar kerd ke ey do binawanîya petrol û enerjî yê şîrketanê ke hemkarîya DYA’yî kenê hedef bigîrê.
Serekê DYA’yî Donald Trump eşkera kerd ke do hêrişanê xo yê serê girawe zêde bikêrê û mutefîkanê xo ra waşt ke keştîyanê şerî bierşawê Neqebê Hurmuzî.
