22yê adara 1993î de Mannheîmê Almanya de Ronahî û Bêrîvan ke ganê xo da adirî, amancê çalakîya xo wina îfade kerdbi: “Wa ganê ma û fikrê ma dîyarîya heme şarê kurdî bibo.”
Mannheîmê Almanya de Ronahî û Bêrîvan ke 22yê adara 1993î de ganê xo da adirî, amancê çalakîya xo wina îfade kerdbi: “Wa ganê ma û fikrê ma dîyarîya heme şarê kurdî bibo.” Rayberê Şarê Kurdî Abdullah Ocalanî zî nirxê çalakîya înan wina pênase kerdbî: “Eke azadîye hende asan bîyêne Ronahî û Bêrîvan xo nêveşnayêne.”
Newroza 1990î ke bîybî referandûmê têkoşîn û azadîya şarê kurdî her serre bi adirê ganê çelengan ê cîyayan girr bîyêne. Ronahî û Bêrîvan zî di pêşengê ke vera polîtîkayanê tasfîyekarîya dewleta tirkan û hemkarê ci ganê xo da adirê Newroze.
Ronahî Mereş ra bîye, 1972î de ameybî dinya. 1979î de keyeyê xo reyde koçê Swîsre kerd. Warê ciwanan, çapemenî û cinîyan de xebitîyaye. Bêrîvan Dêrsim ra bîye, hema 6 aşme bena ke keyeyê aye aye nêwazeno û ema aye aye kena pîl. 12 serrîya xo de aye zewecnenê û erşawenê Almanya. Uca de şidetî ra remaye û rayîrê aye û Ronahî pê resa.
Mektûbo ke nuştbi, wina bi: “Komkiştişê Kurdîstanî de bi çekanê Almanya yenê kerdene. No bîyo sebeb ke sebrê ma nêmano. Adirê azadîya ke ma pana do hîna gird bibo. Wa ganê ma û fikrê ma wa dîyarîya heme şarê kurdî bibo.”
Bi hezaran kesî astengîya polîsan ra vîyartî û bi merasimêko girseyî Ronahî û Bêrîvan oxir kerd.
