Wezîrê Karanê Teberî yê Erebîstanê Seûdî Mîr Feysel bîn Ferhan derheqê hêrişanê Îranî yê bi fuze û dronan de eşkerayî daye û eşkerayî de Îran hişyar kerd.
Wezîrê Seûdî bin Ferhan eşkerayî de vat ke Îranî bi nê hêrişanê xo yê vera welatanê cirananê xo virazeno hem herême de hem zî dinya de bawerîya seba xo çin kerdo. Feysel bin Ferhan hişyarî da Îranî û wina vat: “Wa Îran bizano sebir heta cayêk o. Ganî sebir nêro teriknayene. Eke Îran na hişyarîya ma verê çiman de nêgîro Erebîstanê Seûdî wayîrê nê hêzî yo ke eşkeno cewabê nê hêrişan zêdetir zî bido.”
Konseya Hemkarîya Kendawe Îran şermezar kerd
Derheqê hêrişanê Îranî de Rîyad de kombîyayîşê welatanê ereb û îslam virazîya. Wezîrê Karanê Teberî yê Erebîstanê Seûdî Mîr Feysel Al Suûd badê kombîyayîşî de eşkerayî da çapemenî. Eşkerayî ye dîyar kerd ke Îran, Erebîstanê Seûdî û Konseya Hemkarîya Kendawe semedê şerê Amerîka-Îsraîlî yê vera Îranî sûcdar keno û wina vat: “Kombîyayîş de bi huşkî ame şermizarkerdene.”
Wezîr Feysal bin Ferhan dewamê eşkerayî de da zanayene ke hêrişê Îranî yê vera welatanê Kendawa Hurmuz binpaykerdena peymananê mîyanneteweyîye û vat: “Îranî çarçewaya planêk de nê hêrişan virazeno. Nê hesabê sîyasetê ey yê tarîxî ke serê milîsanê xo yê wekîl de vera herême çiqas şino hîra keno.”
Bin Ferhan: 136 welatî hêrişanê Îranî qebul nêkenê
Bin Ferhah da zanayene ke 136 welatan paştî daya nê helwestê Erebîstanê Seûdî û dinyaya îslamî û veng da Îranî kerd: “Ganî Îran bileznê hêrişan ra fek verado. Îran hetêk ra îdia keno ke seba dinyaya îslamî têkoşînê dano û heto bîn ra zî dinyaya îslamî kerdo hedefê hêrişanê xo. Na nakokî do Îranî bi tena verdo.”
