Keyeyê Ahmet Orhanî, 94î ra ver dewa Qizilbêle ya ke girêdayîyê Dêrsimîya de weşîya xo ramenê. Dima talkerdena dewe ra bar kenê şonê dewa Erzinganî Yenîkoye de weşîya xo ramenê. Ahmet Orhanî rewşa xo ser ajansê ma rê qisey kerd.
Keyeyê Ahmet Orhanî, 94î ra ver dewa Qizilbêle ya ke girêdayîyê Dêrsimîya de weşîya xo ramenê. Kal û pîrê xo pêro şîyê heqîya xo. Nika weşîya xo dewa Erzînganî Yenikoye de teyna ramneno. Ahmet Orhan seba dewa xo Qizilbele vano: Caye Pî û kalikanê ma rind bî. Ameyî dewa ma vesnê, pêrûne caverda şî, pîlê ma şîyê heqîya xo, bar kerdîme ameyme îta.”
Dewa verêne de kî debarê xo pê mal û dewarî kerdêne. Nika kî qaytê naxire keno. Ahmet Orhan, dewa xo ya verene ser û giranîye weyekerdene naxir ser ajansê ma rê qisey kerd.
‘Teyna qaytê naxire xo kon’
Ahmet Orhan, wina vano: “Dewa ma Qizilbel bî. Uzade weşîye xo ramitêne. Malcîyen kerdêne. Uzade bîmê pîl. Veren de mal û naxirê ma bî, hegay ramitêne, cew û genim ramitêne, payîze ramitêne, vas çînîtêne, girze kerdêne. Dewa xo de rind û delal bîme. Dewa de der û cîran zaf bî. Caye Pî û kalike ma rind bî. Tepîya dewa ma vesnay, perûne caverda şî, pîle ma şîye heqîya xo, bar kerdîme ameyme îta. Dewa xo de bîme tever, kaş beme some ”
‘Bêrê dewa xo şên bikerê’
Ahmet Orhan, qiseykerdîşê xo yê pêyênî de weyekerdena malî ser vindeno: “Ancîna peyser şîyîme û ma bonî viraşt. Ma dewa xo kerde şên. Wisar some dewa xo payîz yeme. Teyna mal beme çîrayneme, ramitene çîn a. Ma alefê malî herînenîme. Her çîyê nê karî giran o. Ez wazena pêro dewijê ma bêrê dewanê xo, wayîr vejîyê dewanê xo ra. Malcîyen bikerê. Dewa xo şên bikerê.”
