Heyetê Îmrali yê DEM Partî seba pêvînayîşê Abdullah Ocalanî muracatê Wezaretê Edaletî kerd
Heyetê Îmrali seba ke reya diyîne Rayberê PKK’yî Abdullah Ocalanî reyde pêvînayîş bikero muracatê Wezaretê Edaletî kerd. Nêame zanayene ke kam do heyetî de ca bigîro.
Parlementerê DEM Partî Sirri Sureyya Onder û Pervîn Buldan 28ê kanûne de Hepisxaneyê Îmraliyî de Rayberê PKK’yî Abdullah Ocalanî reyde pêvînayîşêk kerdbi. Heyeto ke Sirri Sureyya Onder, Pervîn Buldan û sîyasetmedar Ahmet Turkî ra ameyêne pê Îmrali ra pey partîyanê sîyasî ke grûba înan meclîs de est a, sîyasetmedarê ke girewte yê, endamê DEM Partî û derûdorê cîyayan reyde pêvînayîş kerd.
