Şaristanê Wanî de, pîrozkerdişê Newroze ya ke bi şîara “Newroza Azadî û Yewîya Demokratîk” yena viraştene, dest pêkerd. Şarê Wanî yo ke bi rojan o amadekarîyan keno, saetenê şodirî de verê xo da qada tarîxî yê binê Keleya Wanî.
Vera ke hîna program dest pê nêkerdbî zî bi hezaran welatijanê ke cil û berganê neteweyî kiras û fîstan, şal û şapik xemelnayê, herikîyayê Qada Newroze yê verê Keleya Wanî. Yeno dîyayîşî ke emser bi taybetî tewrbîyayîşê ciwanan astêko tewr berz de yo.
Goreyê çimdarîyanê destpêke girse nika ra qadê Newroze de kom bîyê, no zî mojneno ke do bi des hezaran kesî tewrê Newroze bibê.
Hetê meydanî de xelekê govende ameyê girewtene û vengê def û zirna sloganê aştî reyde benê yew. Beşdarê Newroze bi heyacanêko girs paweyê dest pêkerdişê programî yê.
