Şayîya Newroze yê Çewligî taxa Saraye de nêzdîyê Xestexaneyê Dewlete de binê varanî de ame pîrozkerdene.
Şahîya Newroze yê Çewligî bi hezaran kesan taxa Saraye de nêzdîyê Xestexaneyê Dewlete de ame pîrozkerdene. Newrozê emserî heme şaristananê Kurdistanî de Çewlig zî tey binê varanî, serdî de vêrd ra û reyna zî şarî gamî peyde nêeştî û şî rasteyê Newroze û Newroza xo pîroz kerd.
Wekîlê DEM Partî yê Çewligî Omer Faruk Hulaku, şahîye de qisey kerd û vat: Newroz seba şarê Kurdî teyna yew roşan nîyo. Newroz tarixa ma de sembolê xoverdayena hezar serran yê nasnameye û ziwanî yo. Newede bîyayîş o. Vera înkar û asîmîlasyonî çilayêka tafîsteya.”
Aktîvîsta Têgêrayîşê Cinîyanê Azad (TJA) Gulîstan Atasoye zî bale ante serê tecrîdo ke vera Rayberê Şarê Kurd Abdullah Ocalanî yeno ramitene û wina vat: “Çaryek qirne yo ke bineyê tecrîdî de yo û reyna zî seba şarê Kurd û şaranê Rojhelatê Mîyanênî mijdana azadîye dano ma. Ma îta Çewlig de Newroza birêz Ocalanî bi coş pîroz kenê.”
