Hemserekê DEM Partî yê Stenbolî Arîfe Çinar û Çinar Altan şayîya Newroze de qisey kerd û bale ante serê prosesê “Aştî û Komelo Demokratîk” û waştena azadîya Rayberê Şarê Kurdî Abdullah Ocalan û girewteyanê sîyasî kerd
Stenbol de “Newroza Azadî û Yewîya Demokratîk” bi tewrbîyayîşê des hezaran kesan Meydana Yenîkapiyî yê qezaya Fatîh ê Stenbolî yeno pîrozkerdene. Badê rêzgirewtişê seba cangorîyanê azadî û demokrasî koma ribabî vejîya sehne ser.
Girseya Meydanê Newrozî bê mabên sloganê “Bijî Serok Apo”, “Bê Serok jiyan nabe”. “Cinî Cuye Azadî” û “Yew o yew o yew o Kurdîstan yew o.” Badî ra Komîteya Amadekar vejîya sehne ser, girseye selam kerde. Hemserekê DEM Partî yê Stenbolî Arîfe Çinar û Çinar Altan zî girse selam kerde û bi hewayêko kilm qisey kerd.
Arîfe Çinar ard ziwan ke raya 3. ê Rayberê Şarê Kurdî Abdullah Ocalan ke vera krîz û kaosan peşnîyar keno seba heme şaran çareserîya demokratîka û wina vat: “Ganî ma heme paştîdayena nê rayîrî bikerê. Eke dewlete samîmî bo ganî bilez gamanê şênber bierzo.”
Çinar Altan zî ard ziwan ke Newroza emserî do bibo mîladêk û wina vat: “Ganî serê de Rayberê Şarê Kurdî birêz Abdullah Ocalan û heme girewteyê sîyasî bêrê veradayene. Ma hêvî û xeyalanê Sirri Sureyya Onder û heme hevalanê xo yê ke na raya de vîndî kerdê bi ca bîyarê.”
‘No adir adirê aştîye yê vera şerî yo’
Dima ra mesajê Hêzanê Kede, Aştî û Demokrasî yê Stenbolî ame wendene.
Mesaj wina yo:
Ma “Sey Hêzanê Kede, Aştî û Demokrasî yê Stenbolî” her kesê ke roşanê Newroze de, roşanê xoverdayîş, hêvî, têduştî û wayûbirayîya şaran de ameyê têhet, selam kenê. Newroz tena ameyîşê wisarî yê na herême nîyo. Newroze nameyê serewedaritişî vera zulmî yo, îradeyê şaran seba têduştî û azadîye, vera zulmî, îstîsmar û înkarî yo. Ewro ma nê adirî vera şer, xizanî, reaksîyon, cîyayî û sîyasetê sîstemî yê şaran keno neyarê yewbînî. Ma serewedaritiş û hêvîya Newroze bi têkoşînê kede, aştî û demokrasî kenê yew.
Rojhelato Mîyanê demêko derg binê dorpeçê şer, îşxalkerî, mudaxaleyê emperyalîst û hêzanê peyde mendeyan de yê. Rijnayîşê serê Filiîstînî dewam kenê, tarîya ke serê şaranê Sûrîya de benê, hêrişê serê Rojava û polîtîkayê şer ê vera Îranî reyna mojneno ke, çîyêko no herême rê hewce keno bombabaran nîyo, tehdîd û mezhebperestî ra zêdetir o, la têduştî, aştî û îradeyo azad ê şaranê ey o. Hêrişê serê şarê kurdî û elewîyanê Sûrîya bi hewayêko zelal, werankerdişê sîyasetê mezhebî û peyde mende dano mojnayene ke serê şaran de ferz kenê. Ma qebûl nêkenê ke tu şar, tu bawerî, yan tu nasname bibo hedef. Ma vera hêrişanê ke îradeyê pîyaciwîyayîşî şaran ê Rojava, têkoşîna cinîyan seba azadî û cuya demokratîk ê serê bingeyê têduştî ameyê awankerdene hedef gênê, vejîyene. Ameyoxê ke şar eşkeno bi ewleyî, têduştî û azad biciwîyo, tena raya aştî yê rastîye na herême ya.
Adirê ko hetê Kawayo Asinkarî ra vera zulmê Dehaqî ameyo wekerdene ewro raya ma roşt keno. No adir adirê aştî vera şer û stîsmarî yo. têduştîya şaran vera înkarî sey reaksîyonê azadîye yo.”
Badê ra mesajê Serekê Pêroyî yê CHP’yî Ozgur Ozel ame wendene.
Şayîya Newroza Stenbolî konserê Komad Amed ra dima program ame qedênayene.
