Vizêrî badê Newroza Stenbolî 2yê ci gedeyî 26 kesî ameybî destbendkerdene, dimayê girewtişê îfadeyan 25 kesî ameyê veradayene. Kesêko ke Rojavayê Kurdîstanî ra bi, seba ke apey bêro erşawitene berd Merkezê Apeyerşawitişî yê Stenbolî.
Vizêrî Meydanê Yenîkapi yê Stenbolî de bi tewrbîyayîşî se hezaran kesan Newroze ameye pîrozkerdene. Badê ke şayîya Newroze qedîyaye, wexto ke şar agêranê keyeyanê xo 26 welatijî hetê polîsan ra ameyê destbendkerdene. 2yê ci gedeyî 26 kesî bi baxaneyê “cil û berganê kurdî” û “sloganan” ameybî destbendkerdene. 25 kesî badê girewtişê îfadeyan yê mudirîyetê emnîyetî ra ameyê veradayene. Kesêko ke Rojavayê Kurdîstanî ra bi, nêame veradayene. O welatij seba ke apey bêro erşawitene berd Merkezê Apeyşawitişî yê Stenbolî.
