Şarê Rojavayê Kurdîstanî ewro 7 merkezanê sey Hesekê, Dirbêsîyê, Til Temir, Zirgan, Amûde, Qamişlo û Tirbespîyê verê xo danê qadan û bi sloganê “Rayber Apo rê Azadîye û Newroza Yewîya Demokratîk a Kurd” Newroze pîroz kenê.
Rojavayê Kurdîstanî de ewro 7 merkezanê sey Hesekê, Dirbêsiyê, Til Temir, Zirgan, Amûde, Qamişlo û Tirbespîyê de Newroze yena pîrozkerdene. Şaristanê Hesekê û dewanê ci de bi hezaran kesî saetanê serê sibayî de verê xo da qadê Newroze. Bi hezaran kesî awbendo ke keweno rojhelatê Hesekê, uca de ameyê têhet. Welatijê Dirbêsîyê, Zirgan, Til Temir zî do dewa Çilbistan de Newroze pîroz bikerê. Qamişlo de zî pîrozkerdiş do Stadyuma 12ê Adare de bêrê kerdene. Newroza Tirbespîyê do dewa Dîrecîk de, Newroza Amûdê Çaxil Bazarî de bêra pîrozkerdene.
Pîrozkerdişê nê şaristanan bi munasebetê varanî 21ê Adare de seba ewroyî ameybî taloqkerdene.
