Serê sibayî bi dron û fuzeyan hêrişê hêzêke pêşmergeyanê Herêma Kurdîstanî ame kerdene, netîceyê hêrişî de 6 Pêşmergeyî şehîd bîyê, 45 zî birîndar bîyê.
Hêrişê grûbanê çekdaran yê nêzdîyê Îranî yê serê Herêma Kurdîstanî dewam kenê. Nê çarçewayî de vizêrî şewe zaf reyan hêrişê Herêma Kurdîstanî ame kerdene.
Serê sibayî zî bi dron û fuzeyan hêrişê kampê tabura 7 yê hêzanê 80î yê hêza Pêşmergeyanê herêma Kurdîstanî ame kerdene. Hêriş sînorê Xelîfan yê serê Îdareyê Xoser yê Soranî yê şaristanê Hewlêrî de bîyo.
Goreyê agahîyan netîceyê hêrişî de 6 Pêşmerge şehîd bîyê, 45 zî birîndar bîyê, badê hêrişî Pêşmergeyê birîndarî berdê nêweşxane.
Nameyê pêşmergeyê ke cuya xo ra bîyê:
- Rêber Abdullah
- Zekri Bexşeşî
- Ramin Adil
- Şehab Bexşeşî
- Keywan Muzaffer
- Piştîwan Mela Musa
