HRANA’yî eşkera kerd ke mîyanê 24 saetanê peyênan de 36 welatijî cuya xo ra bîyê, 138 zî birîndar bîyê.
Şerê mabênê Îran û Îsraîl-DYA’yî roja 25. de yo. Ajansê Xeberan ê Aktîvîstanê Heqanê Merdiman (HRANA) bîlançoyê 24 saetanê peyênan yê şerî eşkera kerd.
Goreyê rêxistine ra mîyanê 24 saetanê peyênan de, 20 şaristananê Rojhelatê Kurdîstanî û Îranî de nêzdîyê 279 hêrişî qewimîyayê.
Ame vatene ke hêrişan de 46 kampê leşkerî, kampê Supayê Pasdaran, merkezê Besîc, teyaragehê leşkerî, kampê polîsan, bîrê petrolî û çimeyê binerdî yê atomî ameyê hedef girewtene.
Mîyanê 24 saetanê peyênan de, netîceyê hêrişan de 36 welatijî cuya xo ra bîyê û 138 welatijî binî zî birîndar bîyê.
Goreyê eynî çimeyan zafê hêrişan Tehran, Elbruz, Îsfehan, Bender Ebas, Qom, Buşehir, Tebrîz û Kendawa Fars qewimîyayê.
Goreyê doneyanê resmî ra, roja ke şer dest pêkerdo heta vizerî hezar û 443 welatijî merdê. Na hûmare yena vatene ke 217 gedeyê sewbîna zî hezar û 167 endamê hêzanê emnîyetî û leşkerî zî ameyê kiştene.
