Hunermendo kurd Mîkaîl Aslanî albumêko newe yê bi nameyê “Masumo Pak” vet. Deyîra ewilin a nê albumî “Kamî rê” platformanê dîjîtal de amaeye weşanayene.
Hunermendo kurd Mîkaîl Aslan albumê studyoyî yo 11. ê bi nameyê “Masumo Pak” vet. Deyîra ewilin a nê albumî “Kamî rê” platformanê dîjîtal de ameye weşanayene.
Vateyê na deyîre aîdê Usênê Qeremanî (Mehmet Çetîn) yê, muzîkê ci zî hetê Mîkaîl Aslan û Olcay Bozkurtî ra ame viraştene.
Berhemî de sembolê xozayî yê sey va, kerra, hewr, dar û kenger vejîyenê vernî. Bi nê sembolan deyîre de hîsê tenayî û bêwelatî yenê vatene.
Klîbê deyîre Dêrsim de mintiqaya Lertîg û dewa Seyîd Rizayî Axdar û derûdorê ci de ameyo antene. Na cografyaya ke bi Seyîd Rizayî yena naskerdene, dîmenanê klîbî de cayêko muhîm gêna.
Vateyê deyîre wina yê:
Kamî rê ?
Henî yo bawo, henî yo
Ez dêndarê nî vayî yo
Henî yo bawo, henî yo
Ez zê hewrê şîyayî yo
Ça fetêlîne ez, zê xêxê Qeremanî
Na dîna xerîbe de nîya xirabin
Bowa Xizirî bo juye vaco budela kam o, kam o?
Pîr û kal kam o, ma kam o no pîrbab?
Ma no zerrê mi ça nîya zaf deceno?
Kamî rê dêndar o ez na dîna de, kamî rê?
Ma ez bizanî ke cayê mi est o
Zê kemera şîyaye, zê ju dara huske
Na dîna gewre de ez bêmulxit
Ça bifetêlî zê hewrê şîyayî?
Henî yo bawo, henî yo
Ez zê paga kan o
Henî yo bawo, henî yo
Kengerê verê vayî yo
Henî yo bawo, henî yo ke êndî bes bo
No vengê mi êndî nîya mezirço
Zê dirbetinê budelayê Dêsimî, Dêsimî…
Xatir biwazo, bîcêro şêro zerya xo
Zê qesê qilancike bar kero şêro
Na dîna ra vengê mi vayî de zê hewrê şîyayî
Ma ez bizanî ke cayê mi est o
Zê kemera şîyaye, zê dara huske
Na dîna gewre de ez bêmulxit
Ça bifetêlî zê hewrê şîyayî?
Bi nê lînkî kesê ke biwazê eşkenî deyîre bigoşdarê: https://www.youtube.com/watch?v=OUJfR_vmzNc&list=RDOUJfR_vmzNc&start_radio=1
