Rojnameyê The Jerusalem Postî îdia kerd ke Fermandarê Hêzanê Deryayî yê Artêşê Muxafizanê Şorişî yê Îranî Alî Riza Tansîrî Bender Abbas nêzdîyê Neqebê Hurmuzî hêrişêkî de ameyo kiştiene.
Goreyê xeberanê rojnameyê The Jerusalem Postî rayedarêkê Îsraîlî îdia kerdo ke Fermandarê Deryayî yê Îranî Alî Riza Tansîrî hêrişêkî de ameyo kiştene. Labeleê rojnameyî eşkera nêkerd ke hêriş senî bîyo û hetê kamî ra ameyo kiştene.
Alî Riza Tansîrî ke tebaxa 2018î ra heta nika hêzanê deryayî yê Muxafizanê Şorişî yê Îranî rayra beno, hewteyanê peyênan de bi taybetî derheqê estbîyayîşê leşkerî yê Îranî yê Kendawê Basra û Neqebê Hurmuz de eşkerayîyê hişkî dayêne.
Alî Riza Tansîrî hewteyo vîyarte de vatbi: “Lîsteya ma ya hedefan ameya newekerdene. Merkezê petrolî yê ke têkilîya xo Amerîka reyde est a, êdî sey qerargehê Amerîkayî yenê vînayene û do bi heme hêzê lazim hêrişê înan bêro kerdene.”
Amerîka zî ney ra ver xeylê reyan eşkera kerdbi ke ê bêtesîrkerdişê hêzê deryayî yê Îranî sey karanê sereke yê leşkerî ra yew vînenê.
Rayedarê Îranî derheqê mergê Tansgirî de hema eşkerayîyêka fermî nêdaya.
