Endamê Fermandarîya Pêroyî yê HSD’yî Çîya Kobanî (Hecî Mihemed Nebo) bi hewayêko resmî dest bi gureyê xo yê Cagirîya Fermandarîya Firqeya 60. kerd.
Merkezê Îrtîbatî yê HSD’yî derheqê wezîfeyê resmî yê Çîya Kobanî ke dest bi gureyê xo kerdo, eşkerayîyêka nuştekî daye û wina vat: “Çarçewaya bicaardişê madeyanê peymana 29ê çeleyî de Endamê Fermandarîya ma ya Pêroyî yê HSD’yî Çîya Kobanî (Hecî Mihemed Nebo) bi hewayêko resmî dest bi gureyê xo yê Cagirîya Fermandarîya Firqeya 60. kerd.
Çarçewaya entegrasyonî
HSD’yî dewamê eşkerayîya xo de da zanayene ke na game çarçewaya caardişê entegrasyonî de ameya eştene û wina vat: “No têgêrayîş çarçewaya birêxistinkerdişê têkilîyanê leşkerî û entegrekerdişê hêzanê leşkerî yê HSD’yî sazgehîya pawitişê Sûrîya de yeno pê. Naye do cehdanê yewbîyîşê pawitişî xurt bikero û asta performansî vera problemanê ewleyî zêde bikero. Eynî wextî de ma teqezî naye ser o kenê ke pawitişê sivîlan û aramîya herême amancê ma yê sereke yê.”
