Vera teyaragehê leşkerî ya Îraqî, bi fuzeyan hêriş ame kerdene. Ame zanayene ke netîceyê hêrişî de teyaraya neqlkerdişî yê Îraqî ame pirodayene û endî nîno xebitîyene.
Ame dîyar kerdene ke vizêrî şewe de bi fuzeyan hêrişê merkezê Kampê Şehîd Ela ke beşêke Teyaragehê Mîyanneteweyî yê Bexdadî yo, ameyo kerdene. Ame zanayene ke netîceyê hêrişî de teyarayêk transferî ya leşkerî yê Îraqî ke modelê ey An-32B cline derbe girewto endî û nîno xebitîyene.
Komîteya Teknîkî ya Îraqî, derheqê babete de eşkerayîyêk da hêriş û derbekerdişê teyarayî teyît kerd. Goreyê komîteya ra hêriş serê Merkezê Destekê Dîplomasî yê Amerîkayî de ke nêzdîyê Teyaragehê Mîyanneteweyî yê Bexdadî de virazîyayo.
Komîte eşkerayîya xo de wina vat: “Hêzê Asmenî yê Îraqî wayîrê 6 teyarayanê An-32B Clinê yê ke vayîya her yewî nêzdîyê 15 mîlyon dolar o. Na teyara neqlkedişê leşkerî de yena şuxulnayene. Taybetîyê nê teyarayî herêmanê koyî de û rewşa hewayê germî de zaf zêde performans dano mojnayene. Nê teyarayî eşkenê hetê berzbîyayîşî ra 4 hezar û 500 metreyan û germde zî heta 55 dereceyan de biperê.”
