Walîyê Hesekê Nûredîn Ehmed û çend wezîr û berpirsê Hukmatê Demkî yê Sûrîya reyde bi amancê xurtkerdişê metodê hemkarîya mabênê rayedaranê merkezî û herême û çalakkerdişê sazgehan ser o pêvînayîş viraşt.
Çarçewaya rêzekombîyayîşanê resmî yê seba şopnayîşê rewşa xizmetî û îdarî yê Hesekê de walî Nuredîn Ehmed 2 rojê viyarteyî de Şam de wezîr û berpirsê Hukmatê Demkî yê Sûrîya reyde kombîyayîş viraşt. Kombîyayîşan de xurtkerdişê hemkarîya mabênê sazgehanê merkezî û herêmî de averberdişê xizmetanê bingeyinî ameyê munaqeşekerdene.
Ehmed bi wezîrê karûbaranê komelkî de Hind Qebawat reyde muhîmî ya averberdişê hemkarîya mabênê sazgehanê eleqedar û zêdekerdişê hewldananê hemkarî mabênê sazgehanê cîyayan de munaqeşe kerd. Her di hetan entegrekerdişê karmendan mîyanê rayberî de û babeta rêxistinî û îdarî yê derheqê kar û metodê başkerdişê rayraberdene sazgehanê Hesekê qisey kerd.
Walî sewbîna zî rayberê pêroyî yê sazgehê Posta yê Sûrîya Îmamedîn Hemed reyde kombî û xebata Ofîsa Postayî ya Hesekê û xizmetê ci erjnayê.
Walîyê Hesekê Wezîrê Malîye Mihemed Yasir Berniye reyde zî seba çalakkerdişê xizmetanê malîye û paştîdayena aramî û averşîyayîşî îstîşare kerd. Pêvînayîş de babeta newe ra akerdişê rayberîya malîye yê Hesekê û newe ra çalakkerdişê xebatanê şûbeyê bankanê dewlete, taybetî Bankaya Zîretî ame erjnayene
Goreyê keyepelê wîlayetî ra çarçewaya hewldananê seba bilezkerdişê sazgehanê pêroyî, başkerdişê xizmetanê bingeyinan û zêdekerdişê îmkananê averberdene herêma Cizîre de virazîyayê.
