Akdenîz de polîsî protestoyê qeyyûmî de bi wasitaya xo ya zirhine da Furkan Ozenî ro û bi şîdet o tepişt dima ra o destbend kerd.
Qezaya Akdenîz a Mersînî de protestoyê vera qeyyûmê ke ameyo şaredarîye dewam kenê. Ciwanî vîzêr şan Taxa Yenîpazarî de zaf kûçeyan de adir wekerd û qerarê qeyyûmî protesto kerd.
Polîsî protestoyan de bi wasitaya zirhine da Furkan Ozen ê 20 serreyî ro. Dima polîs Ozenî bi şîdet tepişt û destbend kerd. Şarê ke no hedîse qeyd kerdêne bi qalê “Ma do şima pêrune bigêrê” ameyî tehdîdkerdene.
Ame zanayene ke linga Ozenî ya raşte de pelçiqîyayîş ameyo meydan û o berdo Şûbeya TEM a Mudirîya Emnîyetî ya Şaristanî.
