Bi hezaran welatijî ke seba rojbîyayîşê Rayberê Şarê Kurdî Abdullah Ocalanî yo 77. amebî Amara, bi coşêko gird pîrozkerdişêk viraşt. Pîrozkerdiş bi coşêko gird ame qedênayene.
Rojbîyayîşê 77. ê Rayberê Şarê Kurdî Abdullah Ocalanî yo 77. hetê hezar kesan ra keyeyê ko Rayberê Şarê Kurdî Abdullah Ocalan tede maya xo ra bîyo, dewa Amara ya qezaya Xelfetî yê Riha de yeno pîrozkerdene. Keyeyê Rayberê Şarê Kurdî Abdullah Ocalanî tede ameyo dinya, bi fotografanê Abdullah Ocalanî ame xeminayîş. Sewbîna girseyî, pankarto ke ser o “Rayberîya Azade reyde ver bi Yewîya Neteweyî ya Demokratîk” amebi nuştene, akerd û fotografê Mahsun Karaoglan û Mustafa Dagî ame girewtene ke 4ê Nîsana 2009î de pîrozkerdişê rojbîyayîşê Rayberê Şarê Kurdî Abdullah Ocalanî de encamê hêrişê cendirmeyan de ameyê qetilkerdene.
Girse, bi girewtişê govende û vatişê slogananê sey “Bijî Serok Apo”, “Bê Serok jiyan nabe” û “Rojbûna te pîroz be ey Serok Apo” bi coşêko gird rojbîyayîşê Rayberê Şarê Kurdî Abdullah Ocalanî pîroz kerd. Pastayêko sembolik zî ame birnayene. Pîrozkerdişê rojbîyayîşî bi sloganan û girewtişê govende qedîya.
