Serekê Pêroyî yê MHP’yî Devlet Bahçelî, derheqê prosesê Aştî û Komelê Demokratîkî de qisey kerd. Bahçelîyî dîyar kerd ke proses de qet yew vengîye û tawîz nêyeno qebulkerdene û vat: “Aştî, hemsengîya pawitişê rûmetê dewlete û şarî ya. Nê prosesî de qet yew zafîyet nêyeno qebulkerdene. Xejilîyayîş lazim nîyo.”
Serekê Pêroyî yê MHP’yî Devlet Bahçelî, meclîs de kombîyayîşê koma partîya xo de derheqê averşîyayîşanê rojeve de qisey kerd. Bahçelî qiseykerdişê xo de derheqê prosesê Aştî û Komelê Demokratîkî de vat ke demê eştişê gama înan, wextêko rast de ameya caardene û wina dewam kerd: “Ma prosesî nêzdî ra taqîb kenê. Nê prosesî de qet yew vengîye û tawîz nêyeno qebulkerdene. Aştî tawîz nîyo. Aştî hemsengîya pawitişê rûmetê dewlete û şarî ya. Nê prosesî de qet yew zafîyet nîno qebulkerdene. Lazimti bi xo xejilîyayîşî çin a.”
