Hemserekîya Konseya Rayberdişî ya KCK’yî semedê Yalcin Kuçukî mesajê serweşîye pare kerd û vat Kuçuk entelektuelanê muhîman ê Tirkîya ra yew bi û keyeyê ci hêzanê demokrasî rê serweşîye waşte.
Hemserekîya Konseya Rayberdişî ya KCK’yî semedê Yalçin Kuçukî ke dinyaya xo bedilnaye mesajê serweşîye waşana. Eşkerayîye de bale ameye antene ke têkîlîya Yalçin Kuçukî ya bi Rayberê Şarê Kurd Abdullah Ocalanî ser û ame vatene ke Kuçukî sey “Apo birayê mi” hitabê Rayber Apoyî kerdêne û bi sempatî nizdîyê Têgêrayîşê Azadîye yê Kurdan biyênî. Ame vatene ke Kuçukî Rayber Apoyî reyde roportaj kerd û fîkrê PKK’yî komelê Tirkîya rê kiriştî paştdayîşo muhîm da.
Eşkerayîya KCK’yî de nê ameyî vatene:
“Ma pê dejî eşnawit ke roşnvîro tirkîyayij, akademîsyen, demokrato şorişgêr Yalçin Kuçukî dinyaya xo bedilnaye. Ma keyeyê ci,merdimanê ci û hêzanê demokrasî rê serweşîye wazenê.
Prf. Yalçin Kuçukî dostêkê Rayberîya ma bi ke vatêne Apo birayê mi. Tim bi sempatî nizdîyê Têgêrayîşê Azadîye yê Kurdan biyênî. Kuçukî Rayber Apoyî reyde roportaj kerd û fîkrê PKK’yî komelê Tirkîya rê kiriştî û paştdayîşo muhîm da.
Yalçin Kuçukî bawer kerdêne ke çarserkerdişê meseleya kurdan semedê demokratîkbîyayîşê Tirkîya rolo gird kay keno. Rayber Apoyî zî tim qiymet dayênî Kuçukî. Têkilîya Rayber Apoyî û Kuçukî samîmî bî. Gama ke Rayber Apo û Kuçuk ameyêne têhet munaqeşeyê entelektuelî kerdêne.
Sosyalîstê erjîyayeyî yê sey Yalçin Kuçuk, Mihrî Belli, Hikmet Kivilcim û Vedat Turkalî bîyî pirdê wayûbiratîye yê şarê kurdî û şarê Tirkîya. Têgêrayîşê ma do tim înan bîyaro vîrî û têkoşînê Tirkîya rê demokrasî û Kurdîstan de azadîye de bido ciwîyayene.
Yalçin Kuçuk entelektuelo zaf erjîyaye yê Tirkîya bi. Eserê ci do têkoşînê demokratîkbîyayîşê Tirkîya de rolê muhîmî kay bikerê.
Halk TV’yî xebera şehadetê Yalçin Kuçukî de rîyê Rayber Apoyî nimit ke ma nê sey provokasyonê vera hêzanê demokrasî vînenî. Na eynî wextî de vera şarê kurdî bêhurmetîya gird a. Prosesê Haştîye û Komelê Demokratîkî de bi nê kerdişî wazenê bikewê çimê dişmenanê kurdan, ma nê bişîdetî protesto kenê.”
