Goreyê daneyanê MGM’yî pêlêkê vewre, varan û firtine yeno ke pêroyî Vakurê Kurdîstanî bigîro binê tesîrê xo.
Mudirîyetê Pêroyî yê Meteorolojî (MGM) raporê xo yê hewayî yê 9ê nîsane weşana. Meteorolojî seba 42 şaristanan bi “Kodê zerdî” îqazê varan, vewre û firtina da. Goreyê erjnayîşanê peyênan ê Meterolojî pêroyî welatî de do hewa hîna zaf hewrin bo. Şaristananê sey Amed, Dîlok, Sêrt û Riha de varan û biluskî, şaristananê sey Erzirom, Qers û Wanî de zî ca bi ca vewre, varan û şilope yenê pawitene. Yeno texmînkerdene ke germîya hewayî Vakurê Kurdîstanî de 4î ra heta 6 dereceyî kewena.
Va do bireso lezê 60 kîlometre
Rojhelatê herêma Serhedî de yeno pawitene ke do vayêk wirzo we ke saete de bireso lezê 40-60 kîlometre. Sewbîna zî cayê berzî yê Serhedî yê ke vewrêka zêde tede est a, ê cayan de rîskê vewrêsî est o. Meteorolojî vengdayîşê welatij û şoforan kerd ke vera nê rewşan baldar bibê.
Şaristanê ke bi kodê zerdî ameyê îqazkerdene, wina yê:
Agirî, Çewlîg, Bedlîs, Amed, Erzîngan, Erzirom, Dîlok, Colemêrg, Qers, Mardîn, Mûş, Sêrt, Dêrsim, Riha, Wan, Êlih, Şirnex, Erdexan û Kilîs.
