Dayîkanê Aştî yê Îranî, derbarê herîşkerdenê Îranî ser o eşkerayîyêk vila kerd. Eşkerayîye de veng da ke ganî vera hêrişanê Îranî bêveng nêro mendene û seba ke hêrişî vinderê tê bigêrê.
Eşkerayî hetê dayîkanê aştî ra bîya vila de vengdayîşê dezgehanê sîyasî û sîvîlan, hunermendan, akademîsyenan, pawitoxê heqanê merdiman û endamanê Konseya Asayîşî ya Neteweyê Yewbîyayeyî amayê kerdene. Eşkerayîye de ame dîyarkerdene ke ganî vera hêrişê ke dewam kenê merdimîye bêveng nêro mendene, seba ke hêrişî vinderê qetî gamî bêrê eştene.
Bale ante huqûqê mîyanneteweyî ser
Eşkerayî de ame dîyar kerdene ke, huqûq û pêameyişê mîyanneteweyî bi nê hêrişan yenê îhlalkerdene, binawanîyê bigîro sey nêweşxaneyan, dibistano Mînab de yo, Estîtuyê Pasteurî, merkezê cigêrayişanê unîversîteye û pirdî yene hedef girewtene. Na rewşe, bi nimuneyanê rijnayîşê ke şarî Îranî vera benê reaksîyon ame mojnayene.
Ganî aştîya domdare bêro caardene
Eşkerayî de bale ancêna serê şerî ke taybetî tesîr ro gede û cinîyan keno. Dewamê eşkerayî de ame dîyar kerdene ke tewr zêde şarê Îranî mexdûrê nê şerî yo û netîceyê şerî do dima ra zî dewam bikero.
Dayîkê Aştî yê Îranî îfade kerd ke seba çareserkerdişê pêameyîşan ganî metodê muzekkereyî esas bêro girewtene û seba ke şer biqedîyo, ganî herême de aştîyêka domdare bêro caardene.
