Walîyê Dêrsimî yo verên Tuncay Sonel wezîfe ra ame dûrvistiş
Walîyê Dêrsimî yo verên Tuncay Sonel, çarçewaya cipersayîşê Gulîstan Doku de wezîfe ra ame dûrvistene.
Çarçewaya cipersayîşê dosyaya Gulîstan Doku de, 13ê nîsane de 13 kesî ameyî destbendkerdene . Înan ra yew zî lajê walîyê ê wextî yê Dêrsimî Tuncay Sonelî, Mustafa Turkay Sonel bi. Demêko derg o ke vengdayîş ameyêne kerdene ke wa Walî Sonel wezîfe ra bêro dûrvistene. Wezaretê Karanê Zereyî yê Tirkîya, çarçewaya cipersayîşê vîndîbîyayîşê wendekara Unîversîteya Munzurî Gulîstan Doku de, derheqê walîyê ê wextî yê Dêrsimî Tuncay Sonelî de cipersayîş da destpêkerdene.
Dima ke derheqê Tuncay Sonelî de cipersayîş ameye destpêkerdene, o wezîfe ra ame dûrvistene.
